Bildumaren zerrendara itzuli


 

MAITASUN POEMA ARRARO BAT

 

Ezpainetan hasten den biloa.

                                            Zurea eta ni.

                                            Hor nonbait.

Eromenari heltzen badiogu

ez da ero gaudelako,

premia dugulako baizik.

 

Urdina arnastu nahi dugu

hortzekin.

 

Gogorragoa da asmatu dugun

patua. Zer eta.

 

Minutu bat ikusi dugu

                                    lur

                                    hartzen

eta ez diogu zirrikiturik utzi.

 

Kandela batek neurtzen du

gure gorputzen denbora.

 

 

 

© Oier Guillan

 


www.susa-literatura.eus