BELAR TXARRAK
egia da
zoriontsuak dira itsusiak
beren ipurdi iletsuekin
pikor eta fantasia lizunekin
egia da
gehiengoa dira arraroak
gizartea aldatzeari buruzko
eztabaida klandestinoak egiten dituzte
super-hiper-mega-makroen ilaretan
errenta aitorpeneko aulkietan
turismo bulegoen itzalean
egia da
iraultzaileak dira apatikoak
berdintasuna praktikatzen dute etxeko lanetan
sexu aukerak zertan diren
azaltzen diete seme-alabei
diru beltzarekin finantzatzen dituzte
kale bazterreko txorimalo eta artistak
diru zuriarekin finantzatzen dituzte
etorkinen oporrak eta ordainsariak
egia da
gezurtiak dira mozkorrak
uneak legalizatzen dituzte musu-truk
kontratu finkoak sinatzen dituzte zoroekin
tabernetan eta belarrietan oka egiteko
itsusiak zoriontsuak
arraroak gehiengoak
apatikoak iraultzaileak
mozkorrak gezurtiak
gora bixotzak!
esan du inork
gora taupada egiten dutenean!
ederra baita egiak sinestea
ez da egia?
© Oier Guillan