Poesia kaiera
Poesia kaiera
2000, poesia
64 orrialde
84-95511-07-X
Itxaro Borda
1959, Baiona
 
2012, nobela
2009, nobela
2007, nobela
2005, nobela
2001, nobela
1998, poesia
1996, nobela
1996, nobela
1994, nobela
1991, poesia
1986, poesia
1985, nobela
 

Euskara klinikan

Nahi digute euskara

geldi dadien bakarra,

ibai ondoko karkara

eta itsaso zaharra

ixil diten,

guk erabil ez dezagun

razionalki nahi dute,

munduan dira ezagun

badutelakotz bertute!

 

Gure solasen hagunak

herrietako lagunak

dira oro erdaldunak,

haiek kontrala zaldunak

euskaldunak

pentsatzen dakitelako

sistema osoan argiz

gramatik eta delako

denak ederki, halabiz!

 

Arropa zuriak jantziz

ebakiak alderantziz

kezketan galduak antsiz

laban zorrotak erantsiz

hartzen dute

galtzen ari den euskara,

haren tripa irekitzen

«hertzetarik eri zara!»

orduan dira jeikitzen...

 

Hertzea zilaturikan

ari dira marmarikan

hilen dela hau klinikan

ez baita denborarikan

behar dute

euskara salbatzekotan

erran Axular bezala,

dagona itzal berotan

debruak eman dezala!

 

Zuek mesias gaziak

eliz barnetan haziak

badituzue graziak

zerutik irabaziak

euskara hau

harri zahar bihurtzeko

lore lehor hain ederra

jakintsunek agurtzeko;

hetsi dadila xedera!

 

Gure hizkuntza oralak

zaharkerietan galduak,

bere geroen moralak

ditu merkexko salduak...

 

w1982