Krokodil bat daukat bihotzaren ordez
Krokodil bat daukat bihotzaren ordez
1986, poesia
112 orrialde
84-398-6304-7
Itxaro Borda
1959, Baiona
 
2012, nobela
2009, nobela
2007, nobela
2005, nobela
2001, nobela
2000, poesia
1998, poesia
1996, nobela
1996, nobela
1994, nobela
1991, poesia
1985, nobela
Krokodil bat daukat bihotzaren ordez
1986, poesia
112 orrialde
84-398-6304-7
aurkibidea
 

 

I

 

Afrika nere larruaren beltza errebendikatzen dut

azoteek udalatu hildoetarik

ixurtzen diren hitz eta negarren ilunaz janzten naiz.

 

Nil ibaiaren iturrietako uretan amets iheskorren

kristalezko materia edan

nuen eta Kalahari mortuan zehar noa hatsaren eske.

 

krokodil bat daukat bihotzaren ordez...

 

harrien azar higatuek haserrearen abesti lasaiak

kantatzen dituzte beti

Tibestiko suge xotilen buruko likidoak berotzeko.

 

elur zuri eternalak gordetzen duen arima minberena

Kilimandjaro kaskoan dago

gizakumeei esperantzazko keinuak bakarti igortzen.

 

krokodil bat daukat bihotzaren ordez...