Krokodil bat daukat bihotzaren ordez
Krokodil bat daukat bihotzaren ordez
1986, poesia
112 orrialde
84-398-6304-7
Itxaro Borda
1959, Baiona
 
2021, nobela
2012, nobela
2009, nobela
2007, nobela
2005, nobela
2001, nobela
2000, poesia
1998, poesia
1996, nobela
1996, nobela
1994, nobela
1991, poesia
1984, nobela
Krokodil bat daukat bihotzaren ordez
1986, poesia
112 orrialde
84-398-6304-7
aurkibidea
 

 

XII

 

1969eko uztailaren hogeiean benetan

etxeko atarrian jarririk nengoela

ilargiak jo ninduen.

geroztik

amets dagit

cap canaveraletik edo baikonouretik

airatuko dela

astre urdineraino eramango nauen zirta.

planeta batetik bestera nabil:

zilo beltzetan nere gorputza desegiten dela

molekulak foton xoil bihurtzen zaizkit.

naizen izate hutsak antimateriaren legeak

ezagutzen ditu

mugarik ez dut

hitzek erran nahirik ez dute.

bizikietaz noalarik

izpiritu hats bilakatzerainoko abiaduran

herri honetako mistikorik bitxiena naiz.

amodio honetako mistikorik bitxiena naiz.

amodio desintegratuak bilatzen ditut

energi atomikoak abandonatu lurretan.

marco polo beniziarraren alaba bastarta

bihurtu nintzen

ilargiak jo ninduelarik

1969eko uztailaren hogeiean benetan...