BARRURAKA

globulu zuriek behera egin dutela

eta mikroorganismoen aurkako defentsak

ahuldu zaizkizula esan didate

barruraka zabaltzen den eritasunak

ez dizu atsedenik ematen

odolaren koagulazioa astiro doa

sentipenen mapa antzaldatuak

baino ez dira biharamunak

eta hitzak datoz zure gorputz osotik

gogo biziz desiraz jabetuta

geroztik barrura begira bizi zara

zeure oroitean orbandua

zarakarra azalari bezala

© cc-by-sa Mikel Ibarguren