HARAGO ZAUDE

itsasoak eta ortzimugak bat egiten duten lekuan

desira bat gordetzen dela pentsatu izan duzu beti

zure jakinminak ez dauka bukaerarik

zeru hustua miatzeari ekiten diozunean

zeure baitan bildurik nigandik aparte zaude

behialako liluretan gogoa ezarriz

abiapuntu berriak dituzketen ahaleginetan zara tematu

jomuga berriak dituzu zerrendatzen

baina hala ere urrundu egin zara

egun argiz

negutearen kristaldegira

nola diren kontuak

orduz geroztik

zure isiltasunak barrutik jaten nau

© cc-by-sa Mikel Ibarguren