BARKATU BAINA

neguak ez du zertan

elurra ekarri

esan gabeko hitzak

oldartu egin dira aho itxietan

gauaren bestaldeak eguna zor dio

itxaropena aldarrikatzen duenari

barradera berriak egin behar dira

desolamenduen geldiarazteko

barkatzeko ahaztu egin behar dela diote

ahazteko barkatu behar den jakin gabe

maitasunak ez du zertan

amore eman

© cc-by-sa Mikel Ibarguren