BARATXE

ilargi zuritan etzan zinen suabe

goibeldurak arintze aldera

ondoez horren apatia mendekatu asmoz

jakina da nire atzamarren froga ukaezinak

atzemango dituztela zure gorputzean

ahoak goitika egin du zure aldarria

ezeren federik gabe iratzarri zarenean

itxarote horrek ernegatzen zaitu irmotzen zaitu

nahiz eta indar berriak bultzaka etorri

bizirauteko ahaleginean tematu zara apurka bada ere

betikotasunaren barne-muinetan urtuz

hauskor da isiltasuna zure oroimenean

© cc-by-sa Mikel Ibarguren