KAFE BELTZA

kafea eskatu dut Café de Paris-en (hutsa)

eguzkia agindu omen dute

arratsalderako (azukrerik ez otoi)

esne-hortzak erori zitzaizkidan garaira itzuli nahi nuke

zurekin berriro behaztopatu

berbaroak hutsik dauden honetan

zain naukazu azken trena joan zen geltokian

ahazteak harrapatuko ez nauen esperantzan

gertakizun diren alde ilun horietan

ezpainka egingo dugu inoren epairik gabe

guk hautatu norabideari jarraituz

eufemismorik gabe

eseri eta kafea eskatu dut

eguzki berri baten esperoan

© cc-by-sa Mikel Ibarguren