12 SARDINZAHAR LEHENBAILEHEN
KONTSUMITUAK IZATEKO

Poema liburu on batek izan behar luke

arrain kutxa bat bezalakoa.

Fosforo eta kaltzio iturri elikagarri freskoa.

Edo izu-laborriz harengandik ihesi

ateratzeko sentipena

sortzen duen deskarga

arrain usteldu, ikatzezko arrainburu,

hortz eta begi zorrotzena.

Bietarik bat.

Eta halakoa behar luke,

poema liburu on bat bezalakoa

gure bizitzak.