Berdin da Mendebaldea eta Ekialdea

Metafisika eta Poesia nahastea.

Iraganak ez du deus balio

gauza guztiak gastatu

eta adioa eta agurra,

arrats beherako zaldunak,

armadura beltzez jazten direnean.

                            Ezta geroak ere,

sexorik ez bait du.

Gaua naufrago urbanoa da,

ametsak lehorreratzen dira

Elkanorengandik ikasitako ibileraz,

krepuskuloan gerrarik sinestezinenak

                                gertatzen dira,

biziak eta hilak azken tangoa

                                dantzatzen dute

ardo botila baten soinupean,

eternidadearen besarkada izotzezkoa dela,

eta Zientziaren Arbolak sagarrik ez,

itzal hurbila baizik, ematen duela

                                jakin gabe.

w1984