Erlojuen mekanika
Erlojuen mekanika
2007, poesia
96 orrialde
978-84-95511-99-7
azala: Xabier Gantzarain
Jose Luis Otamendi
1959, Azpeitia
 
2022, poesia
2019, poesia
2014, poesia
2000, poesia
1999, narrazioak
1995, poesia
1990, poesia
1987, poesia
 

 

ERLOJUAK

 

erlojuak apurtzen ditut bata bestearen atzetik

eta txikitutako piezak

eta kristal printzak biltzen

joaten zait denbora

(erlojugile baten haria erdi galdutako semea naiz

ez denboragile batena)

 

erloju txikitzen jarraituko dut

denbora egiten ikasi arte

(erlojuak apurtzeko ez da indar handirik behar

erlojuak egiteko jakin egin behar da nola

jenderik edo jendearen akordurik gabe

ezin da denbora egin)

 

erlojugilearena etxeko lanbidea da gurean

(erlojugile baten anaia naiz)

eta urteetan aurrera noan arren

denbora egiten ikasten ari naiz

erloju hilen artean