Erlojuen mekanika
Erlojuen mekanika
2007, poesia
96 orrialde
978-84-95511-99-7
azala: Xabier Gantzarain
Jose Luis Otamendi
1959, Azpeitia
 
2022, poesia
2019, poesia
2014, poesia
2000, poesia
1999, narrazioak
1995, poesia
1990, poesia
1987, poesia
 

 

KOMUNIKAZIO AZAROA

 

gertaera tamalgarrien

eragile intelektual sentitzen naiz

kontzientziako kargu hori itsaso aurrean egurasten dut

izerdiaz garbitzen dut munduaren odola

eta antzeko kezkak irakurtzea

iruditzen zait jendearen aurpegian

kalean artxipelago ibiltari bateko parte naizelakoak

bakarrizketaren fruitu garratzez soilik

elikatzetik libratzen nau

 

lasaiago itzultzen naiz etxera

zuzen ebakitako parterre artetik

nahiz eta gauza gehienak ordenatuago iruditu

ez naiz atzo baino hobea

eta aldika nire tristura paseatzera atera behar izaten dut

 

gogoeten oldea doitzearren

besteren iritzia ere bilatzen dut inoiz

eta gutxitan kentzen didate arrazoia hildakoek

eurekin mintzo naizenean