Erlojuen mekanika
Erlojuen mekanika
2007, poesia
96 orrialde
978-84-95511-99-7
azala: Xabier Gantzarain
Jose Luis Otamendi
1959, Azpeitia
 
2022, poesia
2019, poesia
2014, poesia
2000, poesia
1999, narrazioak
1995, poesia
1990, poesia
1987, poesia
 

 

ARRAZOI BEZATUAK

 

izutzen zaituzten arratoi bezatu horiek

laborategietan filmetako estoldetan

euren heriotza antzezten jartzen dituzte

beti dira gertu eskura erabilgarri

neguko paisaje bustietan

 

argi laburrekin pasa da autoa bizkor

eta badakigu badirela beti argitu gabeko eremuetan

zain dauden begi txikiak

lurruna sortzen duten arnas hobiak

 

antzeko egun baten gomuta datorkizu

helikopteroa entzuten zela orduan

zeru itsuan jendearen gainean

eta zein gozo hartu zintuen oheak

bere galdera guztiekin

 

izutzen zaituzten arrazoi bezatu horiek

hor dira gaur ere

zalantzak kolpatuz beldurrak zurkaiztuz

hitzen eta gogoeta ehizatu berrien gose

 

arrazoi bezatuak ametsen hondakinekin

irritsen sarraskiekin gizentzen dira

ezin dira ase hurkoen goseaz ez bada

eta inoizka taktikoki arratoi heziek bezala

antzeztu egiten dute euren heriotza