IKERKETAK

1933an ikusi omen zuten lehendabizikoz

Jon Mirandek zortzi urte bete zituen egun berean.

Hamilton anderea izan zen lehena.

Urtebete geroago Peter Grant izeneko ikasleak

lakutik irteten ikusi zuen, bere motor gorri

berriarekin paseoan zebilela.

Lanbro eta mendi artean bizi omen da.

Azken urteetan hainbat ikerketa egin dituzte

baina oraindik ezin izan dute egiaztatu

zinez existitzen den ala ez.

1954an sonar batek detektatu omen zuen,

baina zalantzak ez ziren uxatu, akaso

beste zerbait izango baitzen detektatutako hori.

1969an submarino batek bilatu zuen

ezer kausitzera iritsi gabe.

1974an Robert Rine izeneko zientzialariak

bere kamera infragorriaren bidez

berau fotografiatzea lortu zuela adierazi zuen.

1991n Stewart Campbellek amets eta

itxaropen guztiak zapuztu zituen ia,

ikerketa sakon baten ondotik

halako izakirik existitzen ez dela esan zuenean.

Eskerrak, hala ere, guk gaurkoan hemen dugun.

Hamaika espekulazio eta ikerketa ondoren

hementxe duzue zuen aurrean.

Ladies and gentlemen, zuekin,

(teloia zabaltzen da)

Euskal Herria.