PLAZARA

Gizakiak,

barkatu baina

ez dut zuengandik

ezer nahi, ezer espero.

Ez egotzi

arrotzak zaizkidan ardurak.

Ez dut nahi

zuen kontu kolekzionablerik:

ez duintasuna

ez adierazpen askatasuna

ez bizi-eskubidea.

Beraz

ez lapurtu

arren

bizitza honetako

alegrantzia behinena.

Ni,

galtzeko aukera guztiak izanda ere,

plazara jalgiko naiz

ene harrotasun eta ohorearekin,

eta toreroa akabatzen badut

planetako zezen zoriontsuena izango naiz,

zuen eskubide kolekzionable

horietako bat bera ere eduki gabe.