META-:

Komunera joan eta ontzian eserita

inoizko indar gehien egin du Nicanor Parrak.

Betiko kaka nardagarri horren ondotik

giltzurrunak kanporatzea erdietsi du lehenik.

Indar apur bat gehiago egin eta

begiak ere bota ditu komunetik behera,

haginak banan-banan, mingaina, eztarria.

Heste meharra, lodia, urdaila

denak ere irten dira gero.

Birikak eta bihotza.

Bihotz, bye, bye, bihotz.

Zakila, barrabilak.

Hezurrak diarrea gisa,

ez daki oraindik nola pasa den aldaka.

Eta burmuin likatsu

nazkagarri hori pasa denean

mina joan zaio ia lipar batez.

Zainak, kartilagoak, azala.

Uzkiaren bakardadea komunean.

Meta-: Autodestrukzioaren arazoak.