Artearen esanahia

Hubert Juinentzat

Orduak eman zituen estatuaren esku moztuari so —esku bat bakarrik,

keinu isil batean geldirik, gorputza osorik

berreraiki nahian. Beharbada argitzeko

hark ere argitu behar ez zukeen sekretua. Gainera,

nork argituko zuen, eta nola? Poesia —esan zuen—

beti hasten da hitzen aurretik, edo atzetik. Orduan

ikusi genuen txoria; esku moztutik atera zen, eta ogian eseri.