Kaia gauez

argiak uretan itota

aurpegiak antzu, oroitzapenik gabe

urruneko itsasontzien izpi etenek argiturik

eta gero hondoraturik bidaiaren itzalean

barkuen belak trabeska, amets-lanparak zintzilik dituztela

aingeru bekatariaren hego zartatuak irudi

soldaduak kasko eta guzti

gauaren eta ikatzaren artean

esku zaurituak, berandu datorren barkamena bezalakoak.

Presoak aingurei lotuta

urka-bilur bat zerumugaren zintzurrean

eta kate guztiak hemen, haurren oinetan

eta bitxilore bat duten ilunabarraren eskuetan.