Esku-argiek distira egingo balute

Esku-argiek distira egingo balute, aurpegi saindua,

Ezohiko argi-oktagono batean harrapaturik,

Itzaliko zen, eta amodioaren edozein mutilek

Bi aldiz begiratuko luke zoritxarrean jausi baino lehen.

Haien ilun pribatuan aurpegierak

Haragizkoak dira, baina betor egun faltsua,

Eror biezazkio ezpainetatik galdutako pigmentuak,

Momia zapiek erakuts bezate bular zahar bat.

Bihotzarekin arrazoitzeko esan didate,

Baina bihotzak, buruak legez, bere kasa narama;

Pultsuaren arabera arrazoitzeko esan didate,

Azkartzen denean, ekintzen erritmoa aldatzeko

Soroa eta teilatua maila berean jarri arte

Azkar mugi nadin aurre eginez denborari,

Bizarra Egiptoar haizetan dabilkion gizon isil horri.

Urte luzetako esanak entzun ditut,

Eta urte askok aldaketarik behar lukete ikusi.

Parkean jolasten bota nuen pilota

Oraindik ez da lurrera iritsi.