badakit zu zarela eta ez zarela zu badakit

zauri honetarik xurgatzen dudan odola.

Oroitzen? Beldurrez zurbildu mihiseak

koloratzen zituen udaberriko oihu ausart

batek eta izarrek hilerokoak zituzten:

lixiba bederak ez luke hatza garbituko.

Oroitzen zara, urrun, barreiatze eroaz,

odolustua, oztopo gabea, zure-nire

sexuen sutzeaz, zeta eta onix artean?

—malenkonia menderaezinen engainua:

ordulari bizia, seinale bako oren hautsien

itzal argia, ilargikoi eta besarkada?

Eta orain ez zarela dakidala, itxura gabe,

Odola bihurtzen da, itxura gabe, zauri.