Dibisa

Gatz irekia zaurian, hetsi ez bedi!

Ainguraraino hats gabetu nadila, urteek

garaitua, eta trumoiak, , eta uso belarrak.

Nostalgiaren putzu bakarrak nahastu ez nazala.

Huntzostoak belatan! Gatz bizia niniketan

haraindiak ikusteko, berdetasun eromenean

bat-batean irekiriko desertuaren antzera!

Itsas zundak izarrei ere jarraitu dakiela!

Gatz irekia eta, gainean, zeru zabala!

Uhinak eskastean mihia, sudurra, belarriak

gazitzen dituzten seinale gaziak utzi biezazkit.

Gatz irekia zaurian: hetsi ez bedi!

Guztia mugitzen doan zintzur ilargikoitik zoritxar

Ordu hauetan nahasten nauen gatza.