HITZAURREA

 

Asier Sarasola

 

 

Nor ez da hezur apurtu bat?

Itakarik gabeko humero bat?

Piratarik gabeko tibia bat?

Bestearen zango igeltsatuak

sendotzen du norbere ibilia.

Elkarren makulu izan ezean,

ez dago biderik.

Gurpildun ahulkiak

hitzaso zabalean.

Norabideak axola du, jatorrira

itzuliko bagara.

 

Ipar, hor hatsa.

 

Maldak eta kroskak,

ar-akalak,

zebrabide kosmetikoak,

ipurmasail ahaldunduak,

zerbikalgia arin bat.

 

Bultza, bultza denok.

Batza.

 

Gurpildun ahalkiak

oztopo lasterketan.

 

Batera.

Denborak eta aldakak,

hitzak eta protesiak.

Selfieak bainoago

erradiografiak eskaintzea.

Igeltsurik gabe,

guztia hats eten.

Gurpildun aulkiak

aro zibernestesikoan.

Eskuak, haragi bizitan.

 

Bultza, bultza denok.

 

Nor ez da hezur apurtu bat?

Hezur pusken auzolaguntza

errotikoa

—r bakarrekoa ere—.

Hezurdura kuantikoa;

neurea osoa izateko,

zeurea behar da

osa.

 

Nor ez da hezur pitzatu,

gastatu,

zopatarako bat?

Dasta nazazu.

Gaitezen.

Ezazue.

Aztia.