EZER EZ DA GALTZEA
BEZAIN ERAGINKORRA

Eraman beti koaderno bat ondoan

edonora hoala, esan zuen gizonak, eta ez larregi edan,

edateak toteldu egiten dik sentsibilitatea,

joan irakurketetara, kontuan hartu arnas-geldiuneak,

eta heuk irakurtzen duanean

esan beti dakiana baino gutxiago

egin beti ahal duana baino gutxiago, ikusleria

azkarragoa duk hik pentsa hezakeena baino,

eta zerbait idazten duanean ez kaleratu berehala,

utzi kajoian bi astean, atera gero eta begiratu,

eta berrikusi berrikusi,

Berrikusi txitean-pitean,

estutu lerroak torlojoak bailiran

5 miliatako zubiaren egiturari eusten,

eta eduki koaderno bat ohe ondoan,

gogoetak izan ditzakek gauean

eta gogoeta horiek desager eta akaba daitezkek

hik nota ezean.

eta ez edan, edozein ergelek edan

zezakek, letra-gizonak gaituk.

batere idatzi ezin zezakeen morroi batentzat

gutxi gora-behera gainerako guztien

modukoa zen: hitz egin zezakeen noski horretaz.