ESTRALURTARRAK

Ez duzue agian sinetsiko

baina bada jendea

bizitzan barrena doana

apenas estuasun

edo tirabirarik

gabe.

dotore jantzita doaz, dotore

jan

dotore lo egin.

pozik eta harro

daude

familiako

bizitzarekin.

badituzte noski

bihozmin-aldiak

baina oro har

trabarik gabe bizi dira

eta sarritan

primeran sentituz gainera.

eta hiltzen direnean

aise doan

heriotza izaten da,

eskuarki

lo daudenean.

ez duzue agian

sinetsiko

baina badira izan ere

halako gizakiak.

ordea ni ez naiz haietako

bat.

oh ez, ni ez naiz

haietako bat

haietako

bat

izateko

zorian ere ez nago

baina haiek

hortxe daude

eta ni

hementxe nago.