BESARKATU ILUNTASUNA

Nahaspila jainkoa da erotasuna jainkoa da

bake iraunkorrean bizitzea

heriotza iraunkorrean bizitzea da.

agoniak hil egin dezake edo

agoniak bizitza iraunaraz dezake

baina bakea izugarria da beti

bakea gauzarik okerrena da

paseoan, hizketan, irribarretsu, izateko itxurak egiten.

ez ahaztu espaloiak

putak, traizioa, sagarreko beldarra

tabernak, kartzelak

amoranteen suizidioak.

hemen Ameriketan

presidente bat eta bere anaia asasinatu ditugu

beste presidente batek kargua utzi du.

politikan sinesten duen jendea

jainkoagan sinesten duen jendea bezalakoa da:

haizeari zurrupaka dabiltza lastotxo makurretatik.

ez dago jainkorik ez dago politikarik

ez dago bakerik ez dago maitasunik

ez dago kontrolik ez dago egitasmorik.

urrundu jainkoagandik

segi egonezinean

narras egin.