A ZE PICNICA

Eta zera datorkit burura

Janerekin txabolatu nintzela 7 urtez

bera mozkortia zen

maite nuen

nire gurasoek gorroto zioten

nik neure gurasoei gorroto nien

laukote

ederra osatzen genuen

egun batean picnic egitera joan ginen

elkarrekin

mendira

eta kartetan ibili ginen eta garagardoa edaten eta

entsaladilla errusiarra eta saltxitxak jaten

pertsona biziduna izango balitz bezala

hitz egin zioten azkenean

denek egin zuten barre

nik ez nuen barrerik egin.

geroago nire txokoan

whiskyarekin batera

esan nion,

ez ditinat gustuko

baina polita dun

hi ondo hartu izana.

txotxolo demonio horrek, esan zidan,

ez al duk ikusten?

ikusi zer?

begira eta begira zaudek nire garagardo-sabelari,

uste ditek

haurdun nagoela.

ah, esan nuen, ba txin-txin gure ume

ederragatik.

gure ume ederragatik,

esan zuen.

bertan hustu genituen.