BURLA-TXORIA

Burla-txoria katuaren atzetik ibili zen gau-ta-egun

uda osoan

burlaka burlaka burlaka

bazilean eta handiguran;

katua ezkutatu egiten zen

ataripeetako kulunkaulkien azpian

dir-dir buztana

eta haserre hitz egiten zion burla-txoriari

aditzen ez nion mintzo batez.

atzo katua lasai hurbildu zen etxeko atalondora

ahoan burla-txoria zuela bizirik,

hegalak zabalik, hegal ederrak zabalik eta inarrosten,

lumak apartaturik emakume baten bernak bezala,

eta txoria ez zebilen ordurako burlaka,

ezpada eskean, erreguka,

katuak ordea

mendetan agoantatzera ohituta

entzungor egiten zion.

auto beilegi baten azpian gordetzen ikusi nuen

txoriarekin

berau satorren tartera bidaltzeko.

udaren azkena zen.