ELTZARRUZE

Eltzarruzeko beleak

Aditu ditut kantari,

Hotsez elkortu eleak

Doazelarik dantzari.

Eltzarruzeko harriak

Zuritu ditu bihotzak

Eta hautsi belarriak

Negu isil eta hotzak.

Eltzarruzeko bazterrak

Ditugu magnetikoak,

Neandertalen lasterrak

Direlakoz betikoak.

Eltzarruzeko gainean

Mindu da ipar haizea:

Elorri horren zainean

Ibaitu ura naizea?

Eltzarruzeko maldetan

Eman dizkizut bi musu:

Maitasunaren kaldetan

Dudatzen banabil usu.

Eltzarruzeko goizean

Dena ikusten dut argi:

Lurra bera otoitzean

Eta ni hor ipurtargi.