Grabitatearen indarraz gain

Ez dut inongo sustrairik nahi.

Olatz Salvador

Saharako hondar hautsak okrez estaltzen du elurra.

Martxoko egunetan Marte planetan gaudela dirudi.

           Bakarrik, galaxiaren erdian.

Berriz sortzen garelako sentsazioa dugu.

Konstelaziorik ez mikropartikula lainoetan,

           Gu, bakarrik, galaxiaren erdian

           Galduak.

Espazioa den okre koloreko

Ama-ontzia urratzen denean,

Ez dut atera nahi.