Iparraldeko detektibe ospetsuena bilakatu da Amaia Ezpeldoi. Eta zerbaiten jakinminik duenak harengana jotzen du beti; famatzen dutenez, ez baitu inoiz kasu bakar batean ere huts egin... orain arte. «Bakean utzi arte» nobelan ezagutu zutenek ongi dakite hori.

      Amaia Ezpeldoi sentimentalaren bigarren abentura liburua da, beraz, «Bizi nizano munduan». Baina oraingoan askatu beharreko misterioak dexente korapilatsuago bihurtu zaizkio. Ez da erraza izango amaiera zoriontsua.

      Laurogei urteko Ameztoi aitona laborariak eskatu dio bere emazte Maienaren aztarnak bila ditzan, ezkon-gauean ihes egin zuenetik ez baitu haren berri jakin. Eta bizi bada, hari eman nahi dizkio etxea eta lurrak.

      Eta jakin al duzue Mauleko Xardoi markako espartinak ez direla bertan egiten, Asian baizik? Langaltze sasoi mingarriotan, nor da espartina sonatu hauen trafikatzailea?