Zaharrak, gazteak, katuak, peluxezko hartzak.

Hain gutxi hartu dute ihes egin dutenean.

Piano desafinatu baten soinuak oroimena

Iltzatzen du espaloiko zartagailu ezpaletan.

Trenak errefuxiatuz beterik dabiltza.

Zaharrak, gazteak, katuak, peluxezko hartzak.

Hilotz lerroak kalearen erdian barreiatuak.

Haizeak dakar ustel usaina. Haizeak daroa.

Neska txikia bere ama hilaren ondoan negarrez.

Zaharrak, gazteak, katuak, peluxezko hartzak.

Bidaiariarekin ingelesez saiatzen da gizona.

Ezkerreko besorik ez du, alai dabil alta.

Infernutik datorrela. Hori dela infernua.

Kolpatua, bere zauriaren errudun bakarra

Bera dela sinesten hastea. Hori da infernua.

Zaharrak, gazteak, katuak, peluxezko hartzak.

Piano desafinatu baten soinuak irautera…