Bidaia luzea egin dugu.

Betidanik ezagutzen ditugun bazterrak

Arrotz egin zaizkigu,

           Arrotz gu ere

Musukoak soinean.

Odesako harmailetan

Tiroak berriz eta Volga aldean

Guztia galdu duen

           Idazlearen ihesa

           Ekialdera.

                      Ekialderago.

Bizitza ezindu da epe horretan,

Denboraren zurubi bekaitzean

Zintzilikatu,

           Itsaso hilen ertzetako

Jalkin zitaletan

Sedimentatu:

           Ekialdean ditut nik ere

Kausitzen ezpainetara auhen moreak

Ekartzen dizkidaten

           Hamalau ezpalak

Eta pikoak.