Hilko al duzu behingoz garunetan etenik

Gabe kalakaz ari zaizun irrati deabru hori?

Hizkuntza arrotzak nahasten zaizkizu

Erranahi zuzenak uhertuz.

Etzan eta ingura. Dantza pikoa ohe hutsean.

Auzoa entzuten duzu larrua jotzen

Eta bainugelan kanilaren xortaka elkorra.

Insomnioa isiltasunean.

Komentarioak. Metafisika merkeak.

Literatura literaturaren gainean. Iritziak.

Kritika zuzenak. Desbideratzeak. Oroimen

Zitalak. Ahalkeak eta insomnioa.