Eguzki beteak urtu ditu goizaldeko izotzak.

Sukar baten moduan esnatzen da haran urdina.

Txori batek zerua zirrimarratzen du.

           Urdina, zuria, beltza,

           Egarriaren koloreak.

Pagadiaren erdian norabidea asmatzen dabil.

Udamineko mediterraneo usaina dauka basoak.

Laba-minean errotu da goroldio fluoreszentea.

           Berdea, zuria, beltza,

           Galtzearen koloreak.

Urruneko mendi harroa zutuntzen da horizontean.

Argi aurka, ortzi-muga ikusten du astiro karmintzen.

Basaltozko lautadaren isiltasunaz harritzen da.

           Gorria, zuria, beltza,

           Munduaren lehen gaueko koloreak.