Harrizko lehoiak

Eliza erromanikoaren leihoan zaindari.

Piztiek larderiatzen dituzten izaki ahulak

Ikara daude

Begirik ez dute

Eta kale hertsietan

Beilari etsiak dabiltza otoitz kriptikoak

Marmaratuz.

           Erdi Aroko zubiaren erdian,

Zutoin baten oinetan

Ikusten dira

Lau emazte eta itsu bat

Talmud higatua gainbegiratzen

           Egia bertan aurkituko

           Balute bezala.

           Llaç groc-a udaletxeko

Fatxadan eta zure telefonoaren memorian

Notatu duzu

           Aniré a Besalú.

Han izanik

Hona zara.