Itsasoari begira gaude,

Urrunean nonbait balea ikusiko dugula esperoan.

Eta oihuak auzoko dorretik.

Marinelak uretara ernatzen dira berehala.

Etxeberriren otoitzetako bat marmarikatzen dute

Sakon abisalen abaroan

Mamuaren sabelean ez hondatzeko.

           Besteok,

Plazaren erdian

Noiz itzuliko diren

Itxoiten.

Enbata dator largotik.

Txori ausartak uhinekin lehian ari dira.

Itsasoari begira gaude

Iragan denborak gogoan

           Antzinako itsasturi kasko gogorrak

           Nora joan diren eskatzen.