EUSKALDUNA
VARIATIONS (2)

Likenez laru eta berde

harri zurien begiak.

Erreka ondoan garabia

iharturik eta lerden.

Denborak berton ditu eten

—horditurik— bere hariak:

odol-hautsetan burdinazko haragiak,

itsasoak herdoil-gernua du edaten.

Milioi erdi tonako bapora

eta hamar mila langileren nasa:

zapatatik hartu behar dut arnasa,

ahoak egin dagian heiagora

harrien begietara, argiaren ahora

—liken laru eta berde, oi!—,

lerden iharturik datzan garabira.

Behinolako nasa eta bapora:

horditurik datza hemen denbora.