GAU ERDIAN

                        Guztien artean hi, Ignatius,

                        zeltiberiar untxien artean jaioa,

                        beste edertasunik ez duana

                        bizar latza eta gernuz

                        garbitutako hortzak baino.

                                                          Catulo

        nahi nuke nik

        gau erdian t'oraindino hordi

        puxika larri

        biok itzarri

        komunera jagi

        gernu beroaren urre iturrian

        eskuetako bat gozoro busti

        besteaz ezpainak zabal ireki

        ahora isuri

        adatsean ere

        arrastoa utzi

        gero

        iberiar zaharren lege berean

        etzatera biok errugabe itzuli