Anemometroa
Anemometroa
1998, poesia
96 orrialde
84-86766-85-0
azala: Kenneth Noland
azalaren diseinua: Borja Estankona
Igor Estankona
1977, Artea
 
2020, poesia
2009, poesia
2002, poesia
 

 

SUGEA

 

Horregatik heldu naiz etxera lehentxeago

horregatik igo ditut eskailerak

hain isilik

eta horregatik ireki dut atea

ez neukala uste zenuen

giltzaren kopia horrekin

horregatik eman duzu buelta eta

amuarrainen abileziaz ihes egin didazu

besoetatik eta horregatik

zangotrabatu behar izan zaitut

eta lurrera

erori

gara

horregatik

ez dizut kasurik egin

barre artean iraindu nauzunean

horregatik lehertu dira limoi bi nire eskuetan

horregatik askatu dizkizut

fraketako botoiak

horregatik

ukitu dizkizut ezpainak

eta ahoa zabaldu duzu

zabaltzen diren bezala erretzen doazen bitartean

arrosak edo paper zatiak

horregatik itzali dut argia

horregatik egin dut dena hain azkar:

defentsa prestatzeko astirik

izan ez dezazun.