TRAJE BELTZA JANTZITA

Auzuneko umeak tronpeta-jolearen inguruan

eseri dira.

Sonnyk traje beltza jantzi du

eta ilea busti.

Patata frijituen usaina dator sukaldeko leihotik.

Ez da kontzertu itzel honen grabaziorik

inoiz

egingo.

Eskuarekin lakuan jaiotzen diren

euliak uxatu

eta lehen nota irten da

nostalgiaz blaituta.

Gero berlina zahar bat pasatu arte

itxaron dute.

Hiru segundo. Bi. Bat.

Musika zabaltzen hasi da

geldiro

ilea hazten den abiaduran.

Umeek ortozik erritmoa zuzentzen dute

Afrikarantz.