Hamasei hildako

Oi, honetaz eta hartaz mintzo ginen

hamasei gizonak tirokatuak izan aurretik,

baina nor mintza liteke emateaz eta hartzeaz

izan behar duenaz edo ez duenaz,

hildako gizon horiek inguruka dabiltzan bitartean

irakiten dagoen eltzea nahasten?

Diozue herrialdeak eutsi egin behar diola

Alemania garaitua izan arte,

baina nork jarriko du eztabaidan

Pearse gor eta mutu dagoela?

Eta haien arrazoiak osatuko al du

MacDonagh-en erpuru hezurtsua?

Nola amets dezakezue entzungo dizuetela,

topatu dituzten kide berriei baino ez baitiete entzuten,

hots, Lord Edward eta Wolfe Tone-ri,

nola izango dira ba gure harremanetan bitartekari,

hezurretik hezurrera baino mintzatzen ez diren horiek?