12. Gerronen amaiera

 

GRÜNBAUM: Gerronek errodajea bukatu bezain pronto, ganadu tren batera igoarazi zuten. Lekuko baten gutunak hala dio: “Bultzaka igoarazi zuten trenera. Gerron belaunikatu zen, eta geratzeko erregutu zien”.

 

GERRON: Pelikula bat egin dut zuentzat! Eskatu zenidatena egin nuen! Mesedez! Mesedez! Ez dut hiltzea merezi! Ez dut merezi! Nik ez! Nik ez!!!

 

GRÜNBAUM: Ez da zuzena hau izatea zutaz dugun azken oroitzapena, Gerron. Nik nahiago dut gogoratzea “Mack the Knife” kantatzen, kabaret bateko eszenatokian.

 

(Kurt Weill-en eta Bertolt Brecht-en kanta mitikoa hasiko da entzuten. gerron suspertu eta kantatzen hasiko da.)

 

GERRON:

      Und der Haifisch,

      der hat Zähne

      und die trägt er

      im Gesicht

      und Macheath,

      der hat ein Messer

      doch das Messer

      sieht man nicht.

 

(gerron irteten hasten da.)

 

GERRON: Agur betiko.

 

(gerron badoa.)