PEDRO

Gaueko hamaikak.

Zaindariek azken zenbaketa egin dute.

Beheko kamainan Pedro.

Telebista piztu du. Lehiaketa bat.

Goizeko bostak.

Itzartu egin nau telebista hotsak.

Ilun da barroteez bestalde.

Telebistan emakume bat

alferrikako gauzak saltzen.

Pedrok esna jarraitzen du

ohe gainean etzanda eta jantzita.

Telebistari begiratzen dio ikusi gabe.

Bi ordu barru aterako da aske.