GADDA

Arauzko nobelarik behinena egitea zuen helburu

Carlo Emilio Gadda idazleak.

Ez zuen inoiz proiektua bukatzerik erdiesten.

Luzaroan izaten zen gogoeta egiten

eta esaldiak moldatzen

balizko nobela bukatu nahian.

Baina ez zuen inoiz lortzen.

Asmo horri amore ematen zionean bakarrik

argitaratzen zituen liburuak.

Bukatu gabeko kontakizunak ziren,

halabeharrez.

Izan ere, zatietan datza

errealitatearen muina.