Nondik etorri ote ziren?

Grina da betikotasuna; neskak edo mutilak

beren sexu-jolasaren hasieran oihu egiten dute

“betiko betierean”, eta esnatzen dira

Dramatis personae hark esandakoa ahantzirik;

grinak bozkarioz gidatzen duen gizonak

inoiz pentsatu gabeko esaldiak kantatzen ditu;

zigortzaileak ipurgain otzanak zigortzen ditu,

antzerkigileak agintzen duena ezagutu gabe,

zigorra zein maisuk egin zuen jakin gabe.

Nondik etorri ziren ba eskua eta zigorra

Erroma frigidoa mendean hartzera?

Zer drama sakratuk zeharkatu zion bortizki gorputza

mundua eraldatuko zuen Karlomagno sortu zenean?