Mohini Chatterjee

Galdetu nuen ea otoitz egin behar nuen,

eta brahmanak esan zidan:

“Ezta ezergatik ere;

esan gauero ohean

“errege izana nauzu,

mirabe izana nauzu,

ez dago ezer

bufoi, alproja edo maltzur,

izan ez naizenik,

eta hala ere nire bular gainean

elemenia buru pausatu izan da”.

Gazte baten egun zirimolatsuak

baretze aldera,

hauxe esan zion Mohini Chatterjeek,

edo honelako zerbait behintzat

—iruzkin bat gehituko diot—:

“Maitale zaharrek izango dute halere

denborak ukatu zien guztia,

hilobiak hilobien gainean pilaturik

asebete daitezen;

belzten ari diren lurretan

armada zaharrak ilaran doaz,

jaiotzak jaiotzekin pilatzen dira,

halako kanoikada batek

eztandarazi dezan denbora,

jaiotzako orduak eta heriotzakoak

bat egin dezaten, edo, jakintsuen esanetan,

gizakiek oin hilezkorrez dantza egin dezaten”.