Pasioaren samina

Lauteen doinuan aingeruen atea sutan zabaltzen denean,

pasio hilezkorrak buztin hilkorrean arnasa hartzen duenean,

gure bihotzek jasan behar zigorra,

arantza txirikordatuak, aurpegi garratzez inguratutako bidea,

esku-ahurretako eta saihetseko zauriak,

ozpinetan bustitako belakia,

Zedron errekastoaren alboko loreak;

belauniko jarri eta adatsa askatuko dugu ihintzez beterik

gainera eror dakizun lurrin leun bat,

heriotzaren lili zurbilen itxaropena,

pasiozko ametsaren arrosak.