Txerri beltzaren harana

Ihintz tantak poliki erortzen ari dira

eta ametsak pilatuz doaz;

tupustean, azkonak igaro dira ziztuan

ametsak esnatutako nire begien paretik,

eta orduan zaldun erorien zalapartek

eta suntsitzen ari diren armada ezezagunen lantuek

kolpatzen dizkidate belarriak.

Gu oraindik urertzeko mairu-baratzean lanean ari gara,

harrespil grisa ageri da muinoan,

eguna ihintzetan murgilduz doa,

eta gu munduko inperioez nekatuta

zure aurrean belaunikatzen gara,

izar geldien eta ate sukartsuen jaun hori.